यस्ता विशेषतासहित सामसङले ल्यायो ठाडो टिभी, मूल्य १८ लाख बढी

Tuesday, April 30th, 2019 | | सूचना/प्रबिधि

सामसङले एउटा विशेष खालको टिभी ल्याएको छ । यो परम्परागत टेलिभिजनजस्तै तेर्सो नभई ठाडो हुन्छ । अर्थात् डिजाइनमा यो टेलिभिजन, मोबाइलझैं हुनेछ ।

सामसङको यो टेलिभिजनको नाम सेरो हो । यो टेलिभिजनमा मोबाइलको जस्तै कन्टेन्ट देख्न सकिन्छ । कम्पनीका अनुसार आजका युवा पीढि मोबाइलको भर्टिकल स्क्रिनमा हेर्छन् । उनीहरुको यही बानी हेरेर नै सेरो ल्याइएको हो ।

तेर्सो गरेर पनि घुम्छ यो टेलिभिजनः

सामसङका अनुसा यो टेलिभिजनले मोबाइलको जस्तै अनुभती दिन्छ । उनीहरु आफ्नो स्मार्टफोनलाई टिभीसँग जोडेर गेम खेल्न सक्छन् र ठूलो स्क्रिनमा भिडियो हेर्न र सोसल मिडियासम्म पहुँच पुर्याउन सक्छन् । सामसङको यो टेलिभिजनमा ४३ इन्चको स्क्रिन दिइएको छ । यो टिभी घुमाउन पनि सकिन्छ । यदि कसैले यसलाई ठाडो नभई तेर्सो गरेर हेर्न चाहन्छन् भने त्यो सेवा पनि उपलब्ध छ ।

यदि साउन्डको कुरा गर्ने हो भने टेलिभिजनमा ४.१ च्यानल, ६० वाटको हाई एण्ड स्पिकर दिइएको छ जसको मद्दतले तपाईं सामसङ म्यूजिकसहित स्मार्टफोनमा राखिएका गीत पनि बजाउन सक्नुहुन्छ ।

यो टेलिभिजनलाई सामसङको भर्चुअल असिस्टेन्ट बिक्सबाईबाट नियन्त्रण गर्न सकिन्छ । सामसङको यो भर्टिकल टेलिभिजन सेरोको मूल्य करिब १२,५०० पाउन्ड १८ लाख बढी छ । यो टेलिभिजन अर्को महिना दक्षिण कोरियामा बिक्रिका लागि उपलब्ध हुनेछ ।

थप अरु